انجيل معلمنا لوقا البشير الاصحاح 16
مثال وكيل الظلم
و قال ايضا لتلاميذه: كان انسان غنى له وكيل فوشى به اليه بانه يبذر امواله
2- فدعاه و قال له “ما هذا الذى اسمعه عنك؟ اعطى حساب وكالتك
ربنا بيجى لكل واحد منا و يقوله من فضلك خليك الوكيل بتاعى فى الحاجة الفلانية او الموضوع او المكان الفلانى و انا بقوله حاضر يا رب و ده معناه ان انا وكيل عن الله
ربنا حاطت امامه رؤية لغرضين
1- خلاص نفسى
2- اوصل لربنا لهذا المكان يعنى الوكيل مهته تنفيذ رغبة و مشيئة الذى وكله يعنى انت بتبقى مكان ربنا فى المكان الفلانى و الوكالة مؤقته و بعد كدع ربنا يقول قدم كشف حساب طب يا رب انت عايز كشف الحساب عايزه كشف حساب ، ربنا بيقول عايزة كسبان مثل الوزنات لان الذى لم يتاجر بالوزنات يخسر حتى لو كانت وزنة واحدة.
انواع الوكالات التى وكالها لى الله:
1- اسم المسيح : بعد خروجنا من جرن المعمودية يكون اسمنا مسيحيين على اسمه اذا لابد ان يكون عندنا فكر و سلوك و حياة المسيح طب حياة المسيح كانت ايه كلها حب ، احبنا حتى بذل ابنه الوحيد و كمان على عود الصليب قال “اغفر لهم يا ابتاه لانهم لا يعرفون ماذا يفعلون” يعنى احنا لازم نكون سلوكنا زى المسيح ، نعطى حب لكل الناس ، انت وكيل عن محبة الله فى العالم لو غابت المحبة اختفى المسيح و لو ظهرت بقوة فيقول “يروا اعمالكم الصالحة فيمجدوا اباكم الذى فى السموات”
لابد ان يكون عندنا قلب متحرك ماشى على ارجل متحركة يشع حب لكل الناس
2- الوكالة الثانية هى بيوتنا: كل بيت مسيحى مختلف عن اى بيت لانه لابد ان يكون كالكنيسة و الوكالة دى لابد ان يكون فيها اسم المسيح – سلوك المسيح – يسكنها ولاد المسيح يعنى نتعامل باحترام فى البيت زى الكنيسة مش اى حاجة تدخل البيت و مش اى حاجة نفتحها نتفرج عليها و مش اى كلامات غير لائقة تتقال فى البيت لانى انا مؤتمن عليه يمثل كنيسة صغيرة ، فالقديسة مونيكا جاهدت حتى بقى بيتها كنيسة ، خلت زوجها و حماتها مسحيين بجهادها و صبرها و كمان رجعت ابنها اغسطسطينس بعد 20 سنة صلاة و دموع لانها كانت امينة و قالت اما انا و اهل بيتى نعبد الرب و حقق لها الله هذه الرغبة.
3- الوكاله فى المديات مثل الشهادات – الفلوس – المواهب – المراكز – العلاقات لازم اعرف ان كل حاجة منها هلى عطية من ربنا كذلك الاولاد و البيت و الصحة و الرزق كلها هبة من ربنا لازم اشكرة عليها و اطلع عشور عنها فربنا بيقول “اعطوا العشور و جربونى ” فامراه بيت صرفه مع ايليا سمعت كلامه و عملت فطيرة له من شوية الدقيق و حبة الزيت و لذلك باركها و بارك معيشتها و لم ينقص الزيت او الدقيق من البيت
4- الوكالة فى الخدمة ، انت كخادم لابد ان توصل اسم المسيح للمخدومين و تقول ينبغى ان ذاك يزيد و انى انا انقص و انت رايح خدمتك او الكنيسة يبقى معاك المسيح و تبدا الخدمة بالصلاة يبقى المسيح واقف جنبك و سندك و يتكلم على لسانك فانت تضع البذرة و هو ينميها للمخدومين.
وعظة ابونا موسى نصرى كنيسة مارمرقص مصر الجديدة