فعلين مطلوبين اثناء الصلاه “الايمان و الغفران” و الاثنين فعل امر
حينما تصلوا امنوا اغفروا فعل الايمان داخل الصلاه معناه فكر نفسك انك واقف قدام ربنا – افتكر انت مين و ربنا مين – فكر نفسك انه مهما طلبت طلبك ممكن يكون مسنجاب لو صدقت . ربنا ممكن يسمعلك فى حاجات كبيرة اوى- افتكر وعود ربنا صدق ان ربنا معاك و انه عايزك و محضر ليك السما و انه مهما حصل هو معاك.
تذكر صفات الله: ابوك طيب اوى ، كبير اوى ، قادر جدا ، ضابط الكل، حكيم جدا ، تذكر اعمال الله صدق ان اللى شال امبارح هيشيل بكرة و زى ما استجاب و ستر هيستجيب و يستر تانى دلوقتى. على الاقل لما يحاربك فكر شك وقت الصلاه تطرده كلمة امنوا معناها ، اترك شيطان الشك و قاوم. اترك كل فكر ارضى ساعات تسرع فى الشغل او العيال او الطبيخ متنزلش للالرضيات و انت بتصلى ، اطرد كل فكر عدم محبة و انت بتصلى ثق ان الله حاضر و يسمعك بفرح. ثق انه بيحبك اوى و هيعملك احسن حاجة فتطمن ثق ان ربنا متواضع جدا و قبلك زى ما انت.
الجزء الثانى قال حينما تصلون اغفروا .
الغفران يجى فى الصلاه و انت بتصلى هتلاقى قلبك شايل من حد خد قرار انك تسامح و لو مش قادر اطلب مساعدة ربنا و الا صلاتك لا قيمة لها ، اغفر علشان ربنا يسامحك او على الاقل فكر نفسك انى لو مش هسامح ربنا مش هيسامحك و دى الطلبة الوحيدة المشروطة فى “ابانا الذى” فعل الغفران معناه تفتكر ان ربنا ستر عليك كتير ة انت غلطان ده هيساعدك كتير و افتكر ان العداوة هلاك ن انت كده بتقفل باب النعمة عليك ، لة اصريت تخلى العداوة فى قلبك تذكر ان الشيطان هو شبب الماساه ، انت غلطان و مضحوك عليك ، اطرد كل فكر قائم على الكرامة و الذات ، اطرد كل فكر تاجيل او انتقام او غضب ، فكر عدم الغفران بيحصل بسبب الانا ، فكر الغفران بيجعلك تنسى الانا و ربنا ياخد ليك حقك.
الشيطان بيجسم الامور و يصور ان التانى ده مفترى و بيكرهنى و الشيطان هو السبب.
اطلب فى الصلاه عنك و عن الشخص ده لانكم انتك الاثنين مرضى / هو باذاه ليك و انت بعدم الغفران ، اطلب معونة علشان تنسى اللى بيتعمل فيك.
اقف دقيقة قبل الصلاه راجع فيها الفعلين دول صدق و اغفر.
عظة ابونا داود لمعى بتاريخ 19/05/2015