انت اتعودت تصلى كل يوم باكر حافظ على هذا الامر . اتعودت تخدم كل اسبوع تمسك بذلك , انت بطبعك سخى حافظ على هذه النعمة ، اذا كنت اخدت خطوة لقدام امسك فيها علشان اكليلك ميروحش ، امسك فى الفضائل اللى عندك ، تمسك بالايمان و التعليم الصحيح لان هناك قوم زى ما قال بولس يريدوا ان يحولوا انجيل المسيح ، حاسب تشك فى ثوابت الايمان.
تمسك بقانونك الروحى و قرائاتك و صلواتك و صيامك و خدمتك ، خلى القانون مُلزم لك بدون تهاون.
مهما عليت و كبرت افتكر دائما انك محتاج تتعلم و افتكر دائما ان قانونك الروحى لازم يكون فى ازدياد ، لازم يكون فى نمو . تمسك بوزناتك ، لو حبيت العطاء لا تتراجع بل انمو فيه . اذا كان هذا ما يميزك فانمو فيه ، ان حبيت الخدمة متكسلش و ان حبيت الخلوة لا تنشغل عنها بل اهرب لحياتك ، قدم وزناتك و نميها . تمسك بهدفك . كسب النفوس هو هدفنا كخدام.
ربنا بيكافئك على التعب فكل واحد فينا عنده ايجابيات لازم يحافظ عليها هدفك الاخر هو قلبك ينظف ، خليك مركز فى الفضيلة دى و تمسك بانك تكون اخر الكل.
المرجع: مؤتمر ابونا داود لمعى