فكرة صغيرة بس ما تياسش ، الاحد اللى فات كان احد المخلع و 38 سنة اللى ذكرها الكتاب هى رسالة لينا كلنا تساوى كلمة واحدة = ما تياسش
رقم كبير زى ده و سنين كتير كده: و كل ما تقدم الحالة بمضى السنين كل ما تتعقد اكتر: و مهما الخطية زادت “ماتياسش”
العدو اللدود للتوبة هو الياس مش الخطية..لو توبت و وقعت تانى مش مشكلة لكن لو ياست مصيبة
لو عندك خطية كبير (ماتياسش) و لو عندك شخص صعب و مش راضى يتغير “ماتيساسش” لانه فى يوم حصل المسيح عدى …………و المشكلة انحلت لانه فى يوم حصل المسيح عدى……….و المخلع خف لانه فى يوم حصل المسيح عدى…..و لعازر قام.
الشيطان بيلعبنا يقولك مفيش فايدة ..بس انت ماتياسش و خلى عندك رجاء فى ربنا.
الرجاء فضيلة مفرحة اللى عنده رجاء نفسه مفتوحه حتى على الجهاد …لما يسجد ، لما يصوم.عنده عشم ان ربنا هيغير فيه.
لما يقرا الانجيل … عارف ان ربنا هيغسله
الرجاء..مرتبط ب 3 حاجات مهمة:
1- صفات الله نفسه
– (لما تقول الله محبة)…. يعنى مبيكرهش مهما عملت…مبيعرفش يكره يبقى عندك رجاء فى الله المحب
– حد فيكم ميعرفش انه قادر على كل شىء: دى تدى رجاء
– حد فيكم ميعرفش انه ضابط الكل..فهما الدنيا اتلغبطت عنده رجاء أن كل شىء تحت السيطرة
– حد فيكم ميعرفش انه صانع الخيرات….فمهما حصل كله خير
2- وعود الله
– لما يقول: أنا معاك..تدى رجاء …فى المرض فى المشكلة فى الخوف ..اى وعد يدى رجاء
– لما يقول: كل الاشياء تعمل معما للخير للذين يحبون الله ..يدى رجاء انه كله هيقلب خير فى الاخر
3- القصص (أعمال الله)
– قصة الابن الضال ..تدر رجاء
– قصة السامرية ….تدى رجاء
– قصة المخلع….تدى رجاء
– قصة زكا….تدى رجاء
– قصة لعازر…تدى رجاء
– قصة بطرس اللى انكر….تدى رجاء
– قصة الكنعانية الخايبة…..تدى رجاء
– ربنا مبيعقدناش ..دول ماكانوش supermen …دول ناس تعبانة زينا فاذا كانوا دول تابوا…و ربنا اشتغل معاهم ، يبقى مش هشتغل معاك؟
يبقى فى امل ندخل السماء و نتوب و أن الناس تتغير
و كمان ..فضيلة التشجيع (قوم انت هتقدر)
زى طفل خايف يدخل الامتحان محتاج اللى يقوله ادخل ..هتنجح
– واحد خايف يدخل الخدمة محتاج اللى يقوله اخدم …هتنجح
– واحد خايف يتكلم محتاج اللى يقوله اتكلم يا حبيبى …متخافش
خلونا ناخد تدريب الاسبوع ده
كل شخص تقابله تقوله انت تقدر
احيانا الشخص ممكن يكون عارفها بس محتاج يسمعها
انت حبيبى تقدر تغير نفسك …تقدر تنجح
اللى عنده تشجيع…رجاءه يزيد
و اللى عنده رجاء …تشجيعه يزيد
المسيح هو نفسه رجاءنا …فهو بيشجعنا و انت كمان شجع اللى بعدك
لالهنا كل مجد و كرامة الى الابد
عظة ابونا داود لمعى بتاريخ 24/03/2015