كان في راهب ماشي فالصحرا وراجع لديره وكان كل ما يمشي يشوف في الرمل اثار رجلين ماشيه وراه …. وكان متأكد ان ده الرب يسوع ماشي معاه وبيحميه …. وبعد كده عدى ع منطقه خطر فيها ناس اشرار وبيبص وراه ع الرمل ……… ملقاش اثار رجلين الرب يسوع فقال في نفسه : “يعني ياربي ماشي معايا كل الطريق ده وجاي عند الحته الصعبه والاشرار دول حوليا وتسبني ؟!!! “ سمع صوت من جواه بيقوله :” لا يا حبيبي انا ماسبتكش انا لما لقيت الاشرار حاوطوك من كل جهه شيلتك ع ايديا دي مش اثار رجليك دي اثار رجليا انا “
0 Comments