هل جربت الابواب المغلقة لفترة طويلة ؟
بنفهم ان مفيش استجابة و لا بصيص امل و لا تشجيع من احد و الناس مبتقبلش شكوتك لان كل الناس عندها اللى مكفيها
كل باب يتفتح يرجع يتقفل تانى و كل بادرة امل تتبخر…
الغرض كويس و الحلم الحلم و الارادة حاضرة طب ليه الحكاية تقف و تتعقد
الغريب ان ربنا يسمح فى الفترة دى لانها فرصة تكفر بذاتك (اى افتخار او اعجاب بالنفس او كبرياء يتكسر) و ننسى اول تطويبة (طوبى للمساكين بالروح)
الابواب المغلقة (الظروف الصعبة)
هى فرصة تصرخ فيها من قلبك
الابواب المغلقة فرصة لربنا يشتغل من بره قبل ما تفتح (فى الوقت اللى كان الرسل مسخبين و الابواب مغلقة كان بيحصل اروع و اهم حدث انتظرته البشرية و هى قيامة الرب و نزوله الجحيم و خروج ادم و بنيه وقتها كانت ممكلكة الشيطان بتنهار)
الابواب المغلقة….لكن لازم هتتفتح بخبر حلو
مفيش قبر من غير قيامة اكتر مما نتوقع او نحلم او ننتظر….الخبر ده بيخرج الواحد بره نفسه فهو كفيل ان ينسيك الايام المظلمة خلف الابواب المغلقة (اول ثانية فى السما هتنسيك كل تعبك على الارض)
الابواب المغلقة ….فترة لابد منها للقديسين (موسى فى البرية لوحده…داود فى الجبال….ارميا فى الوحل….يوسف فى السجن…دانيال فى الجب)
الابواب المغلقة….هيفتحها المسيح بايدك انت من جوه ….كان المسيح بيدخل خلف ابوابك المغلقة علشان يسالك ممكن اعرف انت زعلان و مهموم من ايه…المسيح ظهر للمسيح و قالهم سلام علشان يطمنهم ففتحوا الباب و خرجوا و انطلقوا و هم مطمنين… المسيح دخل مع الفتية جوة النار فخرج مع الفتية من النار….
الابواب المغلقة..بداية الابواب المفتوحة بعدها هيتفتحلك باب عظيم (كو1 9:16)…(رؤ1:4)
الابواب المغلة تفتح لك بركات بلا حدود… لما تقعد تفتكر فترات حياتك الصعبة هتلاقى انك طلعت بخبرات و مهارات و فضائل و عرفت ربنا فيها اكتر و اختبرت ايديه بوضوح ، الابواب المغلقة ضرورية.
عظة ابونا داود لمعى بتاريخ 21/01/2015